اسلام آباد۔15مئی (اے پی پی) وزیراعظم محمد شہباز شریف شمالی وزیرستان دے علاقے میران شاہ اچ خود کش حملے اچ سکیورٹی فورسز دے ترائے اہلکاراں سودھے چھی بندیاں دی شہادت تے ݙکھ تے افسوس کیتے اتے متاثرہ ٹٻراں نال ہمدردی کیتی اے۔ وزیراعظم آفس دے میڈیا ونگ دے مطابق وزیراعظم ، میران شاہ اچ خود کش دھماکے دی مذمت کریندیں ہوئین لانس حوالدار زبیر قادر، سپاہی عزیر اصفر اتے سپاہی قاسم مقصود دی شہادت تے افسوس کیتا اتے انہاں دی قربانی کوں خراج عقیدت پیش کیتا۔ وزیراعظم محمد شہباز شریف خودکش دھماکے اچ شہید ٻالاں 4 سالہ انعم، 8 سالہ احسن اتے11سالہ احمد حسن دے ٹٻر نال ہمدردی اتے تعزیت کیتی۔ انہاں آکھیا جو اساکوں آپݨے شہیداں تے فخر اے، وزیراعظم دعا کیتی جو اللہ تعالیٰ شہیداں دے درجات بلند فروے اتے انہاں دے ٹٻر کوں صبر ݙیوے۔ آمین۔
