مظفرگڑھ۔16مئی (اے پی پی):ترجمان ریسکیو 1122 چتاوݨی ݙتی اے جو ودھ گرمی دی لہر ہیٹ سٹروک دا باعث بݨ سڳدی اے ،انہاں ہیٹ سٹروک دی علامات ݙسیندے ہوئیں آکھیے جو پسینہ زیادہ آوݨ،پاݨی گھٹ تھیوݨ ،دل دی دھڑکن تکھی تھیوݨ ،الٹی آوݨ ،جلد دا گرم یا خشک تھیوݨ ،سردرد یا چکرآوݨ،رنگت پیلی تھیوݨ تے گش یا بیہوش تھیوݨ ہیٹ سٹروک دی علامات ہن، انہاں ہیٹ سٹروک توں بچݨ دی ہدایات ݙیندے ہوئیں آکھیے جو بغیر کہیں لوڑھ دے گھروں ٻاہر نہ نکلیا ونجے جے ضروری ہووے تاں سر تے منہ اتے نک کوں ڈھپ گھنو ،ایجھی ورزش نہ کرو جیں توں جسم دا درجہ حرارت ودھے ، مناسب خوراک کھاؤ تے ودھ توں ودھ پاݨی پیوو ،ہلکے رنگ دے کھلے تے اتے ڈھلے کپڑے پاؤ،ٻالاں کوں پارک کیتی ہوئی یا بند ڳاݙی اچ کلھا نہ چھووڑ ،ایجھی جتی پاؤ جیں توں پیراں دا درجہ حرارت مناسب رہے،زیادہ پروٹین آلی روٹی نہ کھاؤ جیں توں میٹابولک ہیٹ ودھݨ دا خطرہ ہووے ، ،کاٹن دے غلاف آلا نرم سراݨا رکھو ۔
