صوبے یکم جون تئیں کݨک مل گھنݨ دے دا ہدف مکمل کرن،  درآمد کیتی ونڄݨ آلی کݨک دی صوبیں اچ شفاف ونڈ تے وختی کمیٹی بݨائی ونڄے، وزیراعظم شہباز شریف

اسلام آباد۔16مئی  (اے پی پی):وزیراعظم شہباز شریف صوبیں ولوں کݨک مل گھنݨ دے ہدف کوں پورا نہ کرݨ تے کاوڑ کریندے ہوئیں آکھیے جو صوبے یکم جون تئیں کݨک مل گھنݨ دے دا ہدف مکمل کرن،  ٻاہروں درآمد کیتی ونڄݨ آلی کݨک دی صوبیں اچ شفاف ونڈ کیتے وختی کمیٹی بݨائی ونڄے۔ وزیراعظم آفس دے میڈیا ونگ توں جاری بیان موجب وزیراعظم آکھیے جو غریب عوام دی خدمت اولین فریضہ اے۔ عوام کوں کہیں صورت اوکھ اچ نی پاتا ونڄ سڳدا ۔ وفاقی حکومت ہر صورت گھٹ قیمت تے اٹا ݙیسی ،کہیں قسم دی وسلائی کوں برداشت نی کیتا ونڄ سڳدا ۔ وزیر اعظم آکھیے وفاقی حکومت سیاست توں بالاتر تھی تے خیبرپختونخوا حکومت دی وی ہرممکن مدد کریسی ۔وزیر اعظم آکھیے وفاقی حکومت ہرممکن مدد کریندی پئی اے ۔وزیراعظم وفاقی وزیر نیشنل فوڈ سکیورٹی کوں ہدایت کیتی جو ٻاہروں درآمد کیتی ونڄݨ آلی کݨک دی صوبیں اچ شفاف ونڈ کیتے وختی کمیٹی قائم بݨائی ونڄے تے بہترین معیار دی کݨک دی درآمد کوں یقینی بݨایا ونڄے۔