اسلام آباد۔16مئی (اے پی پی) صدر ڈاکٹر عارف علوی دا متحدہ عرب امارات دے سفارت خانے دا دورہ کیتا اتے شیخ خلیفہ بن زاید النہیان دی وفات تے تعزیت کیتی ۔صدر مملکت , متحدہ عرب امارات دے سابق صدر دے انتقال تے ݙکھ تے افسوس کریندیں ہوئین آکھیا جو شیخ خلیفہ بن زاید النہیان دی وفات تے پاکستانی عوام کوں ٻہوں ݙکھ تھیے کیونجو او پاکستان دے سچے اتے مخلص دوست ہن۔ پاکستان متحدہ عرب امارات دے شاہی خاندان اتے عوام دے ݙکھ اچ برابر دا شریک اے۔ مرحوم شیخ خلیفہ بن زید النہیان دی پاکستان کیتے خدمات کوں زبردست خراج تحسین پیش کریندیں ہوئیں صدر عارف علوی آکھیا جو انہاں دی قیادت اچ پاکستان اتے متحدہ عرب امارات وچال تعلقات مضبوط تھیے۔ متحدہ عرب امارات دے سفیر حماد عبید ابراہیم سالم الزابی تعزیتی دورے تے صدرمملکت دا شکریہ ادا کیتا۔
