لاہور۔16 مئی(اے پی پی)وزیراعلی پنجاب حمزہ شہباز آکھیے جو عوام کوں مہانگ توں سوکھ ݙیسوں، صوبے دے لوکاں کوں آٹا، کھنݙ اتے ڳھیو سستا ݙتا ویسی۔ انہاں آکھیا جو میݙے ٻھیݨ ٻھرا اوکھے ہین، فوری ریلیف انہاں دا حق اے، خصوصی ریلیف پیکیج نال لوک سوکھے تھیسن، ملھ اتنا ڳھٹیسوں جو لوکاں کوں حقیقی ریلیف ملے۔ انہاں ریلیف پیکیج سانڳے مانیٹرنگ دا بہترین نظام ٻݨاوݨ دی وی ہدایت کیتی۔ ایں توں پہلے انہاں ہک اجلاس دی اڳواݨی کیتی اتے چیف منسٹرز ریلیف پیکیج سانڳے تجویزاں دا جائزہ ڳھدے۔ اجلاس اچ اراکین پنجاب اسمبلی سردار اویس لغاری، خواجہ عمران نذیر، بلال یاسین، رمضان صدیق بھٹی، ٹکٹ ہولڈر حافظ محمد نعمان، مسلم لیگ ن دے رہنما عطا تارڑ، پرنسپل سیکرٹری وزیر اعلی، محکمہ زراعت، خوراک، صنعت و خزانہ دے سیکرٹریز و متعلقہ حکام موجود ہن۔
