اسلام آباد۔16 مئی(اے پی پی)وفاقی وزیر برائے موسمیاتی تبدیلی شیری رحمن آکھیے جو گرمی دی لھر اچ عوامی آگاہی دی لوڑھ اے، غذائی قلت اتے آبی ذخائر اچ کمی چنتے دی ڳالھ اے، ملک اچ گرمی دی لہر اتے گلیشیئرز پگھرݨ نال سیلاب دی صورتحال نال نبڑݨ کیتے قومی ٹاسک فورس ٻݨائی ڳئی اے جیندی اڳواݨی وفاقی وزیر شیری رحمن کریسن، موسمیاتی تبدیلی نال نبڑݨ کیتے اقدامات تھیندے پن۔ اے ڳالھ وفاقی وزیر موسمیاتی تبدیلی شیری رحمان اسلام آباد اچ چیئرمین این ڈی ایم اے لیفٹیننٹ جنرل اختر نواز ستی اتے ایڈیشنل سیکرٹری برائے موسمیاتی جودت ایاز نال پریس کانفرنس اچ آنکھی۔ انہاں آکھیا جو گرمی دی ایں لھر دی توقع نا ہئی، ٻھل ایں سانڳے اقدامات کریندے پئے ہیں، ٹاسک فورس دا پہلا اجلاس تھیسی جیندے اچ سارے صوبیاں چیف سیکرٹریز، متعلقہ اداریاں اتے صوبیاں دے نمائندے شامل ہوسن۔
