اسلام آباد۔16 مئی(اے پی پی)وزیراعظم شہبازشریف چینی وزیراعظم لی کیانگ کوں ٹیلیفون کیتے اتے ݙوطرفہ تعاون دے معاملیاں تے الایا۔ ݙوہاں وزرائے اعظم اتفاق کیتے جو پاکستان اتے چین اسٹریٹجک پارٹنر شپ کوں نقصان پچاوݨ دی اجازت نہ ݙیسن اتے عوامی مفادات سانڳے امن و استحکام کیتے کٹھے کوششاں کیتاں ویسن۔ وزیراعظم جامعہ کراچی حملے اچ چینی شہریاں دی ہلاکت تے افسوس اتے مذمت کریندے آکھیے جو اینڄھے مجرمانہ فعل دی مکمل تحقیقات کرتے مولث عناصر کوں سزا ݙتی ویسی، پاکستان اچ سارے چینی شہریاں دا تحفظ و سلامتی سلامتی یقینی ٻݨائی ویسی۔ وزیراعظم پاکستان دی خودمختاری، علاقائی سالمیت اتے قومی ترقی کیتے چین دی بھرپور حمایت دا شکریہ ادا کیتے اتے سی پیک منصوبیاں کوں تیکھا کرݨ دا عزم دوہرایا۔ چینی وزیراعظم اقتصادی تعاون، تجارت و سرمایہ کاری ودھاوݨ کیتے حمایت دا یقین ݙیوایا۔
