جگ مشہور بین الاقوامی شہرت دے مالک صدارتی ایوارڈ یافتہ لوک فنکار آنجہانی فقیرا بھگت دا 23 واں ورھیݨا چولستان اچ تھیا

اسلام آباد۔17مئی  (اے پی پی سرائیکی سروس)جگ مشہور بین الاقوامی شہرت دے مالک صدارتی ایوارڈ یافتہ لوک فنکار آنجہانی  فقیرا بھگت دی 23 واں ورھیݨا چک 184 ون ایل چولستان اچ تھیا جئیں اچ  جھمر تاڑی ،کلچرل ثقافتی،صوفیانہ رنگ،بین المذاھب ہم آ ہنگی چولستانی محرومی پسماندگی تےموسیقی سجا تے رنگا رنگ شاندار پروگرام منایا گئے جیندے اچ دانشور ، مفکر تے شاعرحضرات شریک تھئے  سردارعاشق خاں بزدار، مجاہد جتوئی، سردار منظور خاں دریشک ،ظہور دھریجہ،  شاہد عالم شاہد، ڈاکٹر سید عظیم شاہ بخاری،شہزاد دریشک ، راشد عزیز بھٹہ ، سبطین تاجخاں گوپانگ، قمرجتوئی ، سید خلیل بخاری ، مظہر سعید گوپانگ، محمد بخش براٹھا، عباس خاں ڈاہر ،خدابخش ایڈوکیٹ جہانگیر انڈھڑ، محمد اکبر لالہ اقبال،طارق اسماعیل،قاضی عبدالوحید، آ ڈو بھگت،  ایوب امرا ، بیجل داس کٹاریہ، نتھو شاہین تے ڈوجھے  حضرات روہی تےچولستان دی محرومی ، پاݨی دی گھٹکی ، زناوراں  دی موت تےخشک سالی تے خشک سالی تے گالھ مہاڑ کریندے ہوئے  ہوئے فقیرا بھگت دیاں خدمات دی تعریف کریندے ہوئےحکومت توں  مطالبہ کیتا اےجو فقیرا بھگت دی  بیوہ دا وظیفہ مقرر کیتا ونجے   فقیرا بھگت دے پتر موہن بھگت دے گردیاں دے علاج سانگے مالی مدد کیتی ونجے ۔فقیرا بھگت دا آندے سال ورھیݨا سرکاری سطح تے کیتا ونجے ۔چولستانی فنکاراں  پوری رات عارفانہ کلام دے ذریعے امن شانتی دا سنہیا ݙے تے ملکی سلامتی تے چولستانی خشک سالی دے خاتمہ کیتے دعا کیتی ۔نازک نور پوری تے پریتم داس بالاچ سٹیج سیکرٹری ہن۔