اسلام آباد۔19مئی (اے پی پی) محکمہ موسمیات پاکستان آکھیا جو مینہہ اتے ہوائیں چلݨ پاروں ملک دے کئی حصیاں اچ گرمی دی جاری لہر دی شدت اچ ڳھٹکی دا امکان اے۔ محکمہ موسمیات موجب مغربی ہوائیں دا ہک سلسلہ 19 مئی خمیس رات ملک دے اُتلے علاقیاں اچ امدا پئے جیڑھا جو 24 مئی منگل تئیں رہسی۔ ایں نویں موسمی نظام دے زیر اثر علاقیاں اچ اندھاری ،تکھی ہوائیں اتے مینہ وسݨ دا امکان اے۔ اسلام آباد، راولپنڈی، چترال، دیر، سوات، مانسہرہ، کوہستان، ایبٹ آباد، ہری پور، پشاور، صوابی، نوشہرہ، کرم، کوہاٹ، وزیرستان، بنوں، میانوالی، سرگودھا، خوشاب، اٹک، چکوال، جہلم، حافظ آباد، سیالکوٹ، نارووال، لاہور، شیخوپورہ، فیصل آباد، جھنگ، کشمیر اتے گلگت بلتستان (استور، غذر، گلگت، دیامر، ہنزہ اتے سکردو) اچ تکھی ہوائیں اتے ڳاڄ نال مینہ وسݨ دا امکان اے۔ مینہہ اتے ہوائیں چلݨ پاروں ملک دے کئی حصیاں اچ گرمی دی جاری لہر دی شدت اچ ڳھٹکی دا امکان اے۔
