اسلام آباد۔19مئی (اے پی پی) وفاقی وزیر اطلاعات تے نشریات مریم اورنگزیب آکھیا جو یوم تکبیر دا عنوان ”نہ جھکے تھے، نہ جھکیں گے” جاری ، وزیراعظم ݙاہ ݙینھواری قومی تقریبات مناوݨ دا فیصلہ کیتے۔ خمیس کوں آپݨے بیان اچ انہاں ݙسیا جو وزیراعظم ہدایت کیتی اے جو پاکستان ٻݨݨ دے 75 سال پورے تھیوݨ دی ݙائمنڈ جوبلی تقریبات دی طرز تے پورے ملک اچ یوم تکبیر قومی جذبے نال منایا ونڄے۔ وزیراعظم وفاق، چاریں صوبے، آزاد جموں تے کشمیر اتے گلگت بلتستان دی حکومتاں نال رَل تے تقریبات کرݨ دی ہدایت کیتی اے۔ یوم تکبیر تے قومی تقریبات مناوݨ دا آغاز 19 مئی توں تھیسی۔ وفاقی وزیر اطلاعات آکھیا جو 28 مئی 1998 ء قومی افتخار اتے پاکستان دے آپݨی آزادی، خودمختاری اتے قومی فائدے کیتے کݙاہیں نہ جھکݨ دی عظیم تاریخ دا ݙینھ اے۔
