اسلام آباد۔19مئی (اے پی پی) ایران کراچی اچ دہشتگردی دی لھر کھنڈاوݨ اچ ملوث ہووݨ دی میڈیا رپورٹس مسترد کر ݙتن۔ایران پاکستانی میڈیا دے ہک حصے وچ شائع تھیونڑ آلیاں اینجھاں خبراں کو بے بنیاد قرار ڈیندے مسترد کیتے جیندے اچ الزام لایا گئے جو کراچی اچ دہشتگردی دی لہر دے پچھو ایران دا ہتھ ملوث تھی سگدے۔ایرانی سفارتخانے ولوں جاری پریس ریلیز اچ واضح کیتا گئے جو بلا تصدیق و ثبوت اتے بغیر دستاویزی شواہد دے اینجھیاں خبراں بالکل کوڑیاں اتے ڈوہیں بھرا اسلامی ملکاں دے تکڑے تعلقات کوں خراب کرنڑ دی بھونڈی کوشش ہین, میڈیا ولوں اینجھا غیرپیشہ ورانہ رویہ ناقابل قبول اے۔سفارتخانے خبردار کیتے جو میڈیا شرپسند عناصر دے ہتھوں استعمال تھیونڑ تو بچدے ہوئے اپنڑی غیرجانبداری سانگے صرف قابل اعتماد ذرائع کوں اہمیت ڈیوے۔
