ملتان ڈویژن اچ انسداد پولیو مہم دا آغاز ،25لکھ ٻالاں کوں قطرے پلائے ویسن

ملتان۔23مئی  (اے پی پی):حکومت پنجاب دی ہدایت تے ملتان ڈویژن اچ انسداد پولیو مہم دا آغاز کرݙتے جیڑھا جو 23 مئی توں 27مئی تئیں جاری رہسی ۔ ایں بارے ڳالھ کریندے ہوئیں کمشنر ملتان ڈویژن انجینئر عامر خٹک آکھیے جو ملتان ڈویژن اچ 7443 ٹیماں25 لکھ 26 ہزار 88 ٻالاں کوں پولیو توں بچاوݨ دے قطرے پلیسن ۔ انہاں آکھیے پولیو فری پاکستان کیتے والدین دا تعاون ناگزیر اے۔انہاں آکھیے اپݨے ٻالاں کوں پوری عمر دی معذوری توں بچاوݨ کیتے پولیو توں بچاوݨ دے قطرے پلاون ، پولیودے قطرے پلاوݨ توں انکار کرݨ آلے والدین دے خلاف سخت قانونی کارروائی تھیسی،ڈویژن اچ ہݨ تئیں پولیو دا کوئی کیس سامݨے نی آیا ۔