ملتان۔23مئی (اے پی پی):ایڈیشنل چیف سیکرٹری جنوبی پنجاب کیپٹن (ر) ثاقب ظفرآپݨے دفتر اچ ای فائلنگ اینڈ آٹو میشن سسٹم دا افتتاح کرݙتے تے جنوبی پنجاب سیکرٹریٹ دے سارے محکمیں اچ اے سسٹم لانچ کرݙتا ڳئے ۔سرکاری امور اتے عوامی فلاح و ترقی دے منصوبیں تے تکھے عملدرآمد کیتے فائلاں دے برقی نظام دے نفاذ توں جنوبی پنجاب سیکرٹریٹ ملتان اتے بہاولپور دے درمیان فاصلے گھٹ ڳئن۔ہݨ کمپیوٹر دا …
ایڈیشنل چیف سیکرٹری جنوبی پنجاب ای فائلنگ اینڈ آٹو میشن سسٹم دا افتتاح کرݙتا
ملتان۔23مئی (اے پی پی):ایڈیشنل چیف سیکرٹری جنوبی پنجاب کیپٹن (ر) ثاقب ظفرآپݨے دفتر اچ ای فائلنگ اینڈ آٹو میشن سسٹم دا افتتاح کرݙتے تے جنوبی پنجاب سیکرٹریٹ دے سارے محکمیں اچ اے سسٹم لانچ کرݙتا ڳئے ۔سرکاری امور اتے عوامی فلاح و ترقی دے منصوبیں تے تکھے عملدرآمد کیتے فائلاں دے برقی نظام دے نفاذ توں جنوبی پنجاب سیکرٹریٹ ملتان اتے بہاولپور دے درمیان فاصلے گھٹ ڳئن۔ہݨ کمپیوٹر دا ھک بٹن دباوݨ توں فائل ھک دفتر توں ݙوجھے دفتر منتقل تھی ویسی ۔پنجاب انفارمیشن ٹیکنالوجی بورڈ ای فائنلنگ سسٹم کیتے باقاعدہ ایپلی کیشن تیار کیتی اے جیں کوں موبائل تے وی ڈاون لوڈ کیتا ونڄ سڳدے تے ایندی مدد توں فیلڈ وزٹ دے دوران وی سیکرٹریز اتے انہاں دے ماتحت افسراں کوں موبائل تے میسج دے ذریعے فائل دی آمد دی اطلاع مل ویسی تے سیکرٹریز تے افسران فیلڈ اچ وی فائل تے آپݨے ریمارکس ݙے سڳسن ۔ہر آفیسر کنے ھک مخصوص پاس ورڈہوسی۔ایڈیشنل چیف سیکرٹری جنوبی پنجاب دے ملتان آفس اچ منعقدہ افتتاحی تقریب اچ جنوبی پنجاب دے تعلیم،زراعت،جنگلات، محکمہ صحت،انہاراتے ہاؤسنگ دے سیکرٹریز اتے ایڈیشنل سیکر ٹریز شرکت کیتی جݙاں جو بہاولپور توں پی اینڈ ڈی، سروسز ،محکمہ لائیو سٹاک ،فنانس،سی اینڈ ڈبلیو تے محکمہ ایری گیشن دے سیکرٹریز اتے ایڈیشنل سیکرٹریز ویڈیو لنک دے ذریعے تقریب اچ شریک تھئے ۔ایڈیشنل چیف سیکرٹری ساؤتھ پنجاب کیپٹن ر ثاقب ظفر تقریب توں خطاب کریندے ہوئیں آکھیے جو جنوبی پنجاب سیکرٹریٹ کامیابی دا ھک ٻیا سنگ میل پار کرڳھدے۔
