اسلام آباد۔24مئی (اے پی پی):وزیر خارجہ بلاول بھٹو زرداری سینئر کشمیری رہنما محمد یاسین ملک کوں بھارتی عدالت دی طرفوں نقلی الزام تے فرد جرم لاوݨ دی شدید مذمت کریندے ہوئیں انہاں دی وختی رہائی دا مطالبہ کیتے ، بھارت کوں مقبوضہ کشمیر اچ بین الاقوامی قوانین دی خلاف ورزی کرݨ دی اجازت ݙیوݨ دے سنگین انسانی نتائج برآمد تھیسن۔ منگل کوں وزارت خارجہ دے ترجمان دی طرفوں جاری بیان موجب وزیر خارجہ بلاول بھٹو زرداری آکھیے جو محمد یاسین ملک تے لاتے ڳئے آپوں گھڑیے ڳئے الزام کوں ختم کرتے انہاں کوں وختی رہا کیتا ونڄے ۔ انہاں بھارتی عدالت دی طرفوں محمد یاسین ملک تے غلط فرد جرم لاوݨ وی شدید مذمت کریندے ہوئیں آکھیے جو یاسین ملک غیر قانونی طور تے زیر قبضہ جموں و کشمیر اچ حریت رہنماواں اچوں ساریں توں تکڑی اتے قابل احترام آواز ہن، بھارت انہاں کوں وختی چھوڑے تے انہاں کوں آپݨے خاندان نال ول ملݨ دی اجازت ݙتی ونجے ، انہاں آکھیےعشریں توں جاری بھارتی جبر دے خلاف انہاں دے پکے عزم کوں ایجھے غیر منصفانہ فیصلیں توں متزلزل نی کیتا ونڄ سڳدا ۔ وزیر خارجہ آکھیے جو بھارت کوں مقبوضہ کشمیر اچ سارے سیاسی قیدیاں کوں رہا کرݨ تے انسانی حقوق دیاں سنگین خلاف ورزیاں کوں روکݨا چاہیدے۔
