لاہور۔24مئی(اے پی پی)وزیراعلیٰ پنجاب حمزہ شہباز دی اڳواݨی اچ جیل اصلاحات سانڳے جائزہ اجلاس تھئے جیندے اچ جیل قوانین کوں جدت ݙیوݨ، قیدیاں سودھا جیل ملازمین کوں وی حقوق ݙیوݨ، اتے فرسودہ قوانین مکاوݨ کیتے اقدامات دا جائزہ ڳھدا ڳئے۔ حمزہ شہباز آکھیا جو اساں جیل نظام اچ اصلاحات کرݨین جو قیدیاں کوں سوکھ ملے، جیل ملازمین کیتے وی قوانین ٻݨیسوں، جیلاں اچ کھیݙاں کیتے سہولت ݙتی ویسی، جیلاں اچ پراݨیاں عمارتاں دی مرمتی کرائی ویسی۔ وزیر اعلیٰ قیدیاں دا کھاوݨا باقاعدگی نال چیک کرݨ، کھاوݨے کیتے ودھ فنڈز ݙیوݨ، جیلاں اچ ہسپتال، ادویات و ضروری آلات سودھا فیملی رومز سانڳے تجاویز وی منڳین۔
