اسلام آباد۔25مئی (اے پی پی) وزیرداخلہ رانا ثناءاللہ خان آکھیے جو پی ٹی آئی عہدیداراں دے گھروں باری اسلحہ وگولہ بارود برآمد تھیوݨ خونی مارچ دے ثبوت ہن ،سیاست دے لبادے اچ دہشت گردی دی سازش برداشت نہ کریسوں ،عمران نیازی خیبرپختونخوا حکومت دے سرکاری وسائل اتے سرکاری مشینری کوں آپݨے فساد کیتے استعمال نہ کرن ۔ وزارت داخلہ توں جاری بیان موجب وزیرداخلہ آکھیے جو اچ لاہور پی ٹی آئی دے جنرل سیکریٹری دا گھر بارود خانہ نکلیے ۔ انہاں آکھیے اے ثبوت اے جو عمران نیازی سیاست نی کریندا پیا ، دہشت گردی تے لہہ آئے ۔ بے گناہ پولیس جوان کمال احمد دے سینے اچ لڳی گولی کتھوں آئی، قوم ݙیکھ ڳھدے ۔ ثابت تھی ڳئے جو اے پُرامن سیاسی کاررواں کائنی بلکہ مسلح لشکر کشی اے ۔ اے برآمدگی، پنجاب پولیس دے جوان دی شہادت دے بعد عمران نیازی تے اعتبار نی کرسڳدے ۔ عمران نیازی کوں آکھداں جو خونی انقلاب منسوخ کرݙیوے، آئین، قانون تے امن دا راستہ چݨے۔ معیشت دیاں بنیاداں اچ بارود بھرݨ آلیں کون معاشرے دا امن تباہ نہ کرݨ ݙیسوں ،آئین اتے قانون تے سختی نال عمل تھیسی ، قانون صرف اینکوں وٹھیسی جیڑھا قانون ہتھ اچ گھنسی ۔ عوام دے جان ومال دا تحفظ ہر قیمت تے یقینی بݨیسوں ۔
