اسلام آباد۔25مئی (اے پی پی):وفاقی وزیر اطلاعات و نشریات مریم اورنگزیب آکھیے جو عمران خان ملک اچ خانہ جنگی چاہندن ، پی ٹی آئی عہدیداراں دے گھراں توں اسلحہ دی برآمدگی توں عمران خان دے ارادے بے نقاب تھی ڳئن، ملک اچ اڄ جیڑھا کجھ وی تھیدنا پئے عوام ݙیکھدی پئی اے تے ایندے ذمے وار صرف عمران خان ہن۔ ھک بیان اچ انہاں آکھیے جو عمران خان پاکستان اچ خانہ جنگی دی سازش کریندے پئن، او اسلحہ دے زور تے اسلام آباد تے قبضہ ڄماوݨ چاہندن ، انہاں آکھیے بندوق، بم اتے گولہ بارود توں انتشار کھنڈاوݨ نہ ݙیسوں ، حکومت عوام دے جان ومال دا تحفظ یقینی بݨاوݨ دی پابند اے ۔ وفاقی وزیر اطلاعات آکھیے جو گولیاں چلاوݨ، جلائو گھیرائو دے رویے سیاسی کائنی، سیاسی سرگرمیاں تے لشکر کشی دے درمیان واضح لکیر چھکݨی ہوسی ۔
