لاہور۔25مئی(اے پی پی) علما و مشائخ اتے پاکستان علما کونسل حکومت اتے تحریک انصاف دی قیادت کوں مل ٻیھ تے مذاکرات دی اپیل کریندے آکھیے جو ملکی حالات اینڄھے ہین جو فریقین مل ٻیھ تے مسلیاں دا حل کݙھن، لانگ مارچ سودھا سارے معاملیاں تے مفاہمت اپنائی ونڄے۔ پاکستان علما کونسل دے چیئرمین حافظ محمد طاہر محموداشرفی، علامہ سید ضیا اللہ شاہ بخاری، مولانا محمد خان لغاری، علامہ عبد الحق مجاہد، مولانا نعمان حاشر، مولانا محمد شفیع قاسمی، مولانا اسعد زکریا قاسمی، مولانا اسد اللہ فاروق، علامہ طاہر الحسن، علامہ زبیر عابد، مولانا محمد اشفاق پتافی، مولانا ابو بکر حمید صابری، مولانا طاہرعقیل اعوان، مولانا محمد اسلم صدیقی، مولانا عزیز اکبر قاسمی، مولانا مفتی عبد الستار اپݨے بیان اچ آکھیے جو اجوکے حالات اچ تشدد توں بچیا ونڄے، فریقین آپس اچ مذاکرات کرن۔
