نیو دہلی۔25مئی(اے پی پی) بھارتی عدالت کشمیری حریت رہنما یاسین ملک کوں عمر قید ٻول ݙتی۔ بھارتی عدالت کشمیری حریت رہنما یاسین ملک کوں 19 مئی کوں دہشتگردی دی فنڈنگ دے کوڑے مقدمے اچ مجرم قرار ݙتا ہا اتے او نئی دہلی دی ڄڳ بدنام تہاڑ جیل اچ کئی سالاں توں قید ہین۔ عدالت یاسین ملک تے ݙاہ ہزار جرمانہ وی لائے۔ کشمیری میڈیا سروس موجب سرینگر اچ یاسین ملک دے گھر دے باہرو قابض بھارتی فورسز کوں لایا ڳئے۔ ایں موقع تے لوکاں وݙی تعداد اچ یاسین ملک دے گھر دے ٻاھرو کٹھے تھی تے انہآں نال یکجہتی کیتی اتے “یاسین ہم تمھارے ساتھ ہیں” دے نعرے لائن۔ سرینگر دے لال چوک اچ مظاہرے شروع تھی ڳین ڄݙاں جو وادی اچ موبائل اتے انٹرنیٹ سروس معطل کرݙتی ڳئی اے۔
