اسلام آباد۔26مئی (اے پی پی) وزیراعظم شہباز شریف دی راجہ ریاض کوں قائد حزب اختلاف دا منصب سنبھالݨ تے مبارخ ݙیندے ہوئیں آکھیے جو حکومت ہر لحاظ تو انہاں نال تعاون کریسی ،ماضی دی خراب روایت دفن کرتے جتھاں تئیں ممکن تھیا انہاں دی تجاویز تے عمل کیتا ویسی ۔قومی اسمبلی اچ ڳالھ کریندے ہوئیں وزیراعظم آکھیے جو قائد حزب اختلاف دیاں ذمہ واریاں سنبھالݨ تے راجہ ریاض احمد کوں مبارخ ݙینداں ۔حکومت ہر لحاظ نال انہاں نال تعاون کریسی تاں جو او تے اپوزیشن دے ٻئے ارکان کھل تے ڳالھ کرسڳن ، انہاں آکھیے اساں ماضی دی خراب روایات کوں دفن کریسوں تے قائد حزب اختلاف دی ڳالھ توجہ نال سݨی ویسی جتھاں تئیں ممکن تھیا ایں تے عمل کریسوں ۔
