اسلام آباد۔26مئی (اے پی پی سرائیکی سروس) سرائیکی ریجن توں تعلق رکھݨ آلے صحافیاں دی الیکشن کمیشن آف پاکستان اچ رجسٹرڈ اتے متحرک تنظیم سرائیکستان ڈیمو کریٹک پارٹی دے چیئرمین محترم رانا فراز نون نال اسلام آباد ہوٹل اچ ملاقات کیتی۔ ملاقات اچ اڄوکی سیاسی صورتحال بارے عمران خان دا ملتان دورہ، ، ایس ڈی پی دی چولستان پاݨی ایشو تے نکلݨ آلی ریلی اتے سرائی صوبے بارے سیاسی پارٹیاں نال اتحاد سودھے مختلف مسئلیاں تے ڳالھ مہاڑ تھئی۔ ملاقات اچ ریڈیو پاکستان دے سینئر پروڈیوسر طارق کلیم ، عبدالرزاق چشتی ، پی ٹی وی توں ریٹائرڈ نیوز کنٹرولر نزیر تبسم ، سرائیکی ادبی اکیڈمی دے جنرل سیکرٹری شاہد دھریجہ ،محمد وقاص ، محمد عمران ، نادر بلوچ ، ناصر عباس، یاور عباس، عمید علی حجانہ ، سرفراز ابراہیم ، واسو خان اتے شیث مہرو وی موجود ہن۔ ایں موقع تے سرائیکی ادبی اکیڈمی دی صدر ڈاکٹر سعدیہ کمال اتے سینئر پروڈیوسر ریڈیو پاکستان محترم طارق کلیم کوں سرائیکی اجرک دا سوھݨا تحفہ وی پیش کیتا۔
