اسلام آباد۔26مئی(اے پی پی)وفاقی وزیر اطلاعات و نشریات مریم اورنگزیب آکھیے جو عمران خان ورکراں کوں کلہا ست تے آپ سمݨ لڳے ڳین، انہاں دا لانگ مارچ ناکام تھئے، عوام ݙسا ݙتے جو او صرف ترقی و خوشحالی دی سیاست چاہندن، حکومت اپݨی مدت پوری کریسی، الیکشن دا اعلان حکومت اتے اتحادی اپݨی مرضی نال کریسن۔ پارلیمنٹ ہائوس دے باہرو میڈیا نال الیندے انہاں آکھیا جو کل پوری قوم تخریبی و تعمیری سیاست اچ فرق ݙیکھ ڳھدے، عوام انہاں کوں سنڄاݨ چکین، 2014 آلی کار ہݨ وی اے خالی ہتھو ڳین، عمران خان آئی ایم ایف نال مذاکرات کوں ناکام کرݨ کیتے دھرنے دا ڈرامہ رچائے۔
