کوئٹہ۔27مئی (اے پی پی) ایران تے پاکستان محبت اخوت بھرپی دے رشتے اچ گھنڈیے پئن۔تے ݙوہیں ہمسایہ ملک سخت اتے چیلنجنگ حالات اچ ھک ݙوجھے دا ساتھ ݙیندے آندن ،ضلع شیرانی دے جنگلات اچ لڳی بھاہ وسماوݨ کیتے ایران دے فاہر فائٹر طیارہ دے بھاہ وسماوݨ دے عمل اچ حصہ گھنݨ ݙوہیں ملکاں دے علی تعلقات دا مظہر اے۔انہاں کوئٹہ اچ تعینات ڈپٹی قونصل جنرل اسلامی جمہوریہ ایران محسنی فرد میڈیا نال خصوصی ڳالھ مہاڑ کریندے آکھی اے ۔انہاں آکھیے ݙوہیں بھرا ہمسایہ ملکاں دے اعلی حکام ہمیشہ خوشگوار ماحول اچ ھک ݙوجھے نال رابطے اچ رہندن۔ پاکستان دی درخواست تے ایران دی طرفوں اڄوکے فائر فائٹر جہاز دی فراہمی وی ایں برادری دے تقاضیں کوں پورا کرݨ دی ھک عمدہ مثال اےجیں تے پاکستان دے اعلی حکام ،سیاسی جماعتاں تے عوام دلوں ایران دا شکریہ ادا کیتے جیں دی اساں قدر کریندوں ، انہاں آکھیے جو ایران دے سپریم لیڈر آیت اللہ سید علی خامنہ ای وی اپݨے بھرا پاکستان دے نال دلی لڳاو رکھیندن ۔ انہاں آکھیے ݙوہیں ملکاں دے عوام دے دل رلے ھڑکدن ۔اساں حکومت ایران اتے ایرانی عوام دی طرفوں پاکستان دے اعلی حکام ، سیاسی جماعتاں تے عوام دے خلوص تے محبتاں دا شکریہ ادا کریندوں ۔
