اسلام آباد۔27مئی(اے پی پی)قومی اسمبلی توں منظور تھیوݨ آلا الیکشن ترمیمی بل 2022 اتے نیب آرڈیننس ترمیمی بل سینیٹ وی کثرت رائے نال منظور کر ڳھدے۔ چیئرمین صادق سنجرانی دی زیر صدارت سینیٹ اجلاس اچ الیکشن ترمیمی بل 2022 مرتضی جاوید عباسی پیش کیتے۔ وفاقی وزیر قانون اعظم نذیر تارڑ اکھیا جو اوورسیز دا ووٹ مکائے نا مکیسوں، ایں سانڳے سارا اختیار الیکشن کمیشن کولو اے۔ اجلاس اچ الیکشن ترمیمی بل دی منِظوری تے اپوزیشن سینیٹ اچ شدید احتجاج کریندے ہوئے چئیرمین سینٹ دے ڈائس کوں گھیر ڳھدے اتے ایجنڈے دی کاپیاں پاڑ ݙتن۔ سینیٹر ڈاکٹر شہزاد وسیم آکھیا جو اوورسیز دے ووٹ تے کہیں کوں وی ڈاکہ نہ مارݨ ݙیسوں، 90 لکھ اوورسیز پاکستانیاں دے حقوق دا تحفظ کیتا ویسی۔
