اسلام آباد۔27 مئی(اے پی پی)وفاقی وزیر موسمیاتی تبدیلی سینیٹر شیری رحمان تحریک انصاف دے مظاہرے اچ وݨ ساڑݨ دی رپورٹ سی ڈی اے توں منڳ ڳھدی اے۔ ہک بیان اچ انہاں چنتا کتیے جو درخت ساݙے شہراں اتے ماحول کیتے جیوݨ اتے ساہ دی حیثیت رکھدن، وݨ ساڑݨ شہر اتے شہریاں دے خلاف ہک جرم اے۔ شیری رحمان آکھیے جو سی ڈی اے توں رپورٹ منڳی اے جیندے بعد ولا درخت لاوݨ اتے ماحولیاتی بحالی سانڳے اقدامات کیتے ویسن۔ انہاں آکھیا جو پر امن مظاہرہ ساریاں دا جمہوری حق اے، جئیں وی درخت ساڑین اتے ماحول خراب کیتے اوندے خلاف کارروائی تھیسی۔
