اسلام آباد۔27مئی(اے پی پی)وزیر داخلہ رانا ثناء اللہ آکھیے جو کہیں وی شرپسند دے ہتھو ملک یرغمال ٻݨاوݨ دی اجازت نہ ݙتی ویسی، اڳو تے وی کہیں فسادی لانگ مارچ جلوس کوں دارالحکومت اسلام آباد اچ نہ ورݨ ݙیسوں، شہریاں دے جان ومال دی ذمہ داری ریاست دی اے، ریاستی ادارے امن وامان ہرصورت یقینی ٻمیسن۔ اے ڳالھ انہاں اسلام آباد اچ پی ٹی آئی لانگ مارچ اتے امن وامان دے جائزہ اجلاس دی اڳواݨی کریندے آکھی۔ اجلاس اچ پی ٹی آئی دے تھیوݨ آلے لانگ مارچ پاروں تھیوݨ آلے نقصانات دا جائزی ڳھدا ڳیا اتے جانی ومالی نقصانات دی تفصیل پیش کیتی ڳئی۔ اجلاس اچ لانگ مارچ دے شرکا ولوں قانون نافذ کرݨ آلے اداریاں تے حملیاں، تصادم دی تفصیل ݙتی ڳئی۔ اجلاس آچ اڳو تے وی کہیں احتجاج اتے مظاہرے کوں روکݨ کیتے پیشگی اقدامات دا جائزہ ڳھدا ڳیا اتے فیصلہ تھئے جو اسلام آباد اچ کہیں وی جلسے جلوس تے مکمل پابندی لآئی ویسی اتے موثر اقدامات کیتے ویسن۔
