اسلام آباد۔28مئی(اے پی پی)وفاقی وزیر اطلاعات و نشریات مریم اورنگزیب فلمی صنعت کوں سوکھ ݙیوݨ کیتے فلم اینڈ کلچر پالیسی 2018 دی بحالی دا فیصلہ کریندے آکھیے جو فلم وثقافت دے سٹیک ہولڈرز نال صلاح دے بعد تجاویز کوں بجت دا حصہ ٻݨایا ویسی، ایں سانڳے سفارشات وزیراعظم کوں تیکھے پیش کیتاں ویسن۔ اے ڳالھ انہاں فلم پروڈیوسرز ایسوسی ایشن دے وفد جیندے اچ شیخ امجد رشید، پیر سعد، سید نور، ستیش آنند اتے بدر اکرام شامل ہن نال الیندے آکھی۔ انہاں آکھیا جو تباہی دا شکار پنجابی فلماں دی بحالی کیتے ولا جان پیسوں، ٻالآں کیتے ٻݨݨ آلیاں فلماں، کارٹون، ڈرامے، کہانیاں اتے تعلیم و تربیت دے مواد کیتے خصوصی رعایت ݙیسوں۔ انہاں آکھیا جو فلم کوں صنعت دا درجہ ݙیسوں تاں جو فلماں دا معیار، سینما گھراں دی بحالی، فنکاراں کیتے مراعات ݙتیاں ونڄن۔ انہاں اکھیا جو پاکستانی فلماں دی ایکسپورٹ ودھائی ویسی، مشترکہ پروڈکشن دے امکانات کوں ٹوریا ویسی، فلمسازی آلات و مشینری دی درآمد اچ حکومت ہتھ ونݙیسی۔
