اسلام آباد۔28 مئی(اے پی پی)وزیر خزانہ مفتاح اسماعیل آکھیے جو پٹرول مہانگا کرݨ نال روپیہ تکڑا تھئے، اٹے اتے کھنݙ دا ملھ ڳھٹاوݨ کیتے اڄ اقدامات تھی ویسن۔ اسلام آباد اچ پریس کانفرنس کریندے انہاں آکھیا جو کݙاھیں وی اے نئیں آکھیا جو میں آئی ایم ایف کوں منا ڳھنساں، جیویں خان صاحب سبسڈی ݙتی ہئی اوں تاں حکومت ݙیوالی تھی ویندی، ریلیف پیکیج دے تحت حکومت غریب عوام کوں تحفظ ݙیندی پئی اے۔، اساں امیراں کیتے سبسڈی مکائی اے غریب کوں اویں فیدہ ملدا رہسی۔ انہاں آکھیا جو سعودی عرب ساݙی مدد کرݨ چاہندے جیندے تے جولائی اچ ڳالھ مہاڑ تھیسی ڄݙاں جو امید اے کہ سعودی عرب نال 3 ارب ڈالر دے معاملے تے وی توسیع تھی ویسی، آئی ایم ایف کولو 3 ارب ڈالر ملݨن، پروگرام اچ توسیع نال ٻئے 2 ارب ڈالر مل ویسن، جیکر آئی ایم ایف نال معاہدہ تھی قیا تاں ول ورلڈ بنک وی ہپک ارب ڈالر ݙے ݙیسی اتے ایشیائی ترقیاتی بنک توں وی ݙھائی ارب ڈالر ملسن۔ انہاں آکھیا جو یکم جون توں پیٹرول مصنوعات دا ملھ ٻیا نا ودھیسی، اوگرا سمری ٻھیڄی تآں غور کیتا ویسی حالی کوئی سمری نئیں آئی۔ انہان اعلان کیتے جو آندا مالی بجت 10جون کو پیش تھیسی۔
