ملتان۔31مئی (اے پی پی) پاکستان اتے ویسٹ انڈیز دیاں کرکٹ ٹیماں وچال ون ڈے انٹرنیشنل میچاں دی سیریزدا پہلامیچ 8جون کوں ملتان کرکٹ سٹیڈیم اچ کھیڈیا ویسی اے سیریز راولپنڈی اچ کھیݙی ونڄݨی ہئی لیکن غیریقینی صورتحال پاروں پنجاب حکومت انہاں میچاں کوں ملتان منتقل کرݙتے ۔ملتان اچ پہلے ھک ݙینھ وار مینچ دیاں تیاریاں کرکٹ سٹیڈیم اچ جاری ہن ۔ذرائع موجب ویسٹ انڈیزدے خلاف سیریز دے سلسلے اچ پاکستانی کرکٹ ٹیم داتربیتی کیمپ یکم جون توں4جون تئیں لاہوراچ تھیسی جیں توں بعد اے سکواڈ5 جون کوں ملتان آسی ۔
