اسلام آباد۔31مئی (اے پی پی):چیئرمین سینیٹ محمد صادق سنجرانی ہری پور اچ ٹریفک حادثے اچ سابق رکن قومی اسمبلی میاں گل عدنان اورنگزیب دے انتقال تے ݙکھ تے افسوس کیتے ۔ سینیٹ سیکرٹریٹ موجب چیئرمین سینیٹ میاں گل عدنان اورنگزیب کیتے مغفرت دی دعا کیتی اللّٰہ تعالیٰ مرحوم دے درجات اچے کرے تے انہاں دے خاندان کوں صبرݙیوے۔ چیئرمین سینیٹ آکھیے جو اومرحوم دے اہل خانہ دے ݙکھ اچ برابر دے شریک ہن۔ چیئرمین سینیٹ صادق سنجرانی آکھیے جو میاں گل عدنان اورنگزیب دی سیاسی خدمات اتے خاص طور تے تعلیم دے حوالے نال انہاں دیاں کوششاں کوں ہمیشہ یاد رکھیا ویسی ۔ ڈپٹی چیئرمین سینیٹ مرزا محمد آفریدی وی آپݨے انڄھ پیغام اچ میاں گل عدنان دے انتقال تے ݙکھ تے افسوس کریندے ہوئیں ݙکھی خاندان نال تعزیت کیتی اے ۔
