اسلام آباد۔31مئی (اے پی پی):قومی اسمبلی دے سپیکر راجہ پرویز اشرف اتے ڈپٹی سپیکر زاہد اکرم درانی بلیغ الرحمان کوں گورنر پنجاب دا حلف چاوݨ تے مبارخ ݙیندے ہوئیں نیک خواہشات دا اظہار کیتے ۔ منڳل کوں آپݨے تہنیتی پیغام اچ انہاں آکھیے جو بلیغ الرحمان دا بطور گورنر تقرر اتحادی حکومت دی قیادت دا انہاں دیاں صلاحیتاں تے اعتماد دا اظہار اے۔ انہاں امید ظاہر کیتی جو بلیغ الرحمان دی قیادت اچ پنجاب اتے وفاق وچال ہم آہنگی اچ ودھارا تھیسی تے صوبہ ترقی دیاں منزلاں طے کریسی تے صوبے دے عوام دا معیار زندگی اچا تے بہتر تھیسی۔
