اسلام آباد۔31مئی (اے پی پی) وزیراعظم شہباز شریف آکھیے جو پاکستان ترکی دے نال تجارت، معیشت ، توانائی ، بنیادی ڈھانچے ،ای کامرس اتے آئی ٹی سودھے مختلف شعبیں اچ تعلقات کوں مضبوط بݨاوݨ چاہندے ، ݙوہیں ملکاں دا موجودہ تجارتی حجم حقیقی استعداد نال مطابقت نی رکھیندا ، پاکستان اچ پرکشش منافع دے نال سرمایہ کاری دےٻہوں سارے موقع ہن ، ترک کمپنیاں دی پاکستان اچ سرمایہ کاری دی حوصلہ افزائی کریسوں ، ݙوہیں ملکاں جموں و کشمیر تے شمالی قبرص سودھے بنیادی قومی مفاد دے سارے معاملات تے ھک ݙوجھے دی حمایت کریندن ، پاکستان امریکا دے نال لمبی دت تے وسیع الابنیاد تعلقات ہن، امریکا پاکستان کیتے وݙی برآمدی مارکیٹ اتے براہ راست غیر ملکی سرمایہ کاری تے ترسیلات زر دا وݙا ذریعہ اے،سی پیک دا ھک اہم محور پاکستان دی صنعتی ترقی اے ۔ اے ڳالھ انہاں ترکی دے دورے تے روانگی توں پہلے اناطولیہ نیوز ایجنسی کوں خصوصی انٹرویو اچ آکھی اے۔ وزیراعظم آکھیے جو پاکستان تے ترکی دے مثالی تعلقات ہن تے اے تاریخی تعلقات مشترکہ مذہب، ثقافت ، لثانی رابطیں دی مضبوط بنیاد تے استوار ہن تے ݙوہیں ملکاں سیاسی تبدیلیاں توں مبرا ہن ۔ انہاں آکھیے ݙوہیں ملکاں اڄوکے سال سفارتی تعلقات دے قیام دی 75 ویں سالگرہ منیندے پئن تے انہاں پچھلے ساڈھے ست عشریں اچ ݙوہیں ملکاں ھک ݙوجھے دا ہمیشہ ساتھ ݙتے ۔ پاکستان تے ترکی جموں و کشمیر اتے شمالی قبرص سودھے بنیادی قومی مفاد دے سارے معاملات تے ھک ݙوجھے دی حمایت کریندن ۔ وزیراعظم آکھیے او جھیڑا جموں و کشمیر تے ترکی اتے بالخصوص ایندی قیادت دی اصولی حمایت تے شکریہ اد کریسن ۔ پاکستان اتے ترکی دے علاقائی اتے بین الاقوامی معاملات تے ھکو سویں خیالات ہن اتے ݙو طرفہ علاقائی اتے کثیر طرفہ فورم تے ݙوہیں دا نیڑے تعاون اے۔ عوام دی سطح تے ثقافتی رابطے ودھدے پئن۔ انہاں آکھیے ہݨ اساں اقتصادی تعاون تے توجہ کیتی ہوئی اے۔ ݙوہیں ملکاں وچال تجارت دا موجودہ حجم ساݙے بہترین تعلقات دی حالی تئیں صحیح عکاسی نی کریندا ۔ ایں سلسلے اچ ݙوہیں ملکاں کیتے وسیع امکانات موجود ہن ۔ وزیر اعظم آکھیے جو دورہ دے دوران او ترکی دی ممتاز کاروباری کمپنیاں دے حکام نال ملاقات کریسن جیں دا مقصد پاکستان اچ توانائی، بنیادی ڈھانچے ، ای کامرس ، میونسپل زرعی انڈسری اتے آئی ٹی سودھے مختلف شعبیں اچ پاکستان اچ پاتے ونڄݨ آلے وسیع موقع توں فیدہ چاوݨ کیتے انہاں دی حوصلہ افزائی کرݨ اے ۔ انہاں آکھیے جو 22 کروڑتوں ودھ آبادی آلے ملک پاکستان اچ وسعت پذیر متوسط طبقے دے نال سرمایہ کاراں کیتے ھک مضبوط اتے وݙی صارف مارکیٹ موجود اے۔ پاکستان اچ سرمایہ کاراں کیتے پرکشش موقع دے نال سرمایہ کاری دے وسیع موقع ہن۔ ھک سوال دے جواب اچ انہاں آکھیے جو پاکستان اتے امریکا دے درمیان سانجھے مفاد دےمختلف شعبیں اچ طویل المعیار اتے وسیع الابنیاد تعلقات ہن۔ اساں ایں ڳالھ تے یقین رکھیندوں جو ساݙے درمیان مسلسل تعمیری رابطے توں علاقے اچ امن ،سلامتی اتے ترقی کوں ودھارا مل سڳدے ، انہاں آکھیے اساں امریکا دے نال آپݨا رابطہ مضبوط اتے وسیع بݨاوݨ چاہندوں جیڑھا جو پاکستان کیتے وݙی برآمدی مارکیٹ اتے براہ راست غیر ملکی سرمایہ کاری و ترسیلات زر دا ھک وݙا ذریعہ اے۔ ݙوہیں ملکاں وچال سرمایہ کاری کوں ودھارا ݙیوݨ دی وݙی گنجائش موجود اے ۔ پاکستان موسمیاتی تبدیلی ،صحت ، توانائی، تجارت اتے سرمایہ کاری سودھے مختلف شعبین اچ مذاکرات کیتن جیڑھا جو ݙو طرفہ تعلقات کوں مضبوط بݨاوݨ اچ اہم کردار ادا کریندے پئن ۔ امریکا دیاں کجھ کمپنیاں پاکستان اچ ٻہوں چنڳاں کم کریندیاں پئن ، اساں پاکستان دی پرکشش مارکیٹ اچ سرمایہ کاری کرݨ تے تجارتی تعلقات بالخصوص آئی ٹی دے شعبے دی ترقی کیتے وݙی امریکی کمپنیاں دی سرمایہ کاری دی حوصلہ افزائی کریندوں ۔ انہاں آکھیے اڄوکے سال پاکستان اتے امریکا اپݨے سفارتی تعلقات دے قیام دی 75 ویں سالگرہ منیندے پئن۔ سی پیک متعلق ھک سوال دے جواب اچ وزیراعظم آکھیے جو بیلٹ اینڈروڈ انیشی ایٹو دے تحت رابطہ اتے تعاون میݙی حکومت دی ترجیحات تے ھک پر امن و خوشحال خطے کیتے پاکستان دے وژن دے عین مطابق اے۔ پاکستان چین دے صدر شی جن پنگ دے وژن دے طور تے بیلٹ اینڈ روڈ انیشی ایٹودے عملی رابطے ، مالی تعاون ،تجارت اچ سہولت ، پالیسی مشاورت تے عوام دی سطح ت رابطیں دے بی آر آئی دے 5 نکات دی مکمل حمایت کریندے ۔ سی پیک اعلیٰ معیار دی ترقی دے ھک نویں دور اچ داخل تھیندا پئے اینکوں بیلٹ اینڈروڈ تعاون دے ذریعے پاکستا ن کوں صنعتی اتے اقصادی طورتے جدید بݨاوݨ دا عمل تکھا تھیسی ۔ اقتصادی سرگرمیاں اچ ودھارے دے نال نال مسلسل پالیسی ، حمایت دے ذریعے کاروباری ماحول کو رل تے بہتر بݨایا ونڄݨا چاہیدے ، اساں ریلوے ایم ایل ون تے پیشرفت کیتے چین دے نال رل تے کم کریسوں ۔، اے منصوبہ پاکستان کیتے کثیر الجہتی علاقائی رابطے دے ماڈل وژن تے کجھ بئے وݙے منصوبیں کیتے تزویراتی اہمیت دا حامل منصوبہ اے۔ وزیراعظم آکھیے جو سی پیک دا ھک اہم محور پاکستان دی صنعتی ترقی اے، سی پیک دے تحت خصوصی اقتصادی زونز تے کم جاری اے ، اساں اہم صنعتی شعبیں اچ غیر ملکی سرمایہ کاری کیتے مراعات ݙیندے پیوں ۔ پاکستان ریلوے دے بنیادی ڈھانچے دی بہتری اتے گوادر پورٹ توں مکمل استفادے سودھے سی پیک دے اعلیٰ معیار دی ترقی دے حصول کیتے پرعزم اے ۔
