اسلام آباد۔31مئی (اے پی پی) حکومت ، پی ٹی آئی دے چیئرمین عمران خان، خیبرپختونخوا دے وزیراعلیٰ محمود خان اتے بئے رہنماواں دے بیانات دا جائزہ ڳھنݨ اتے انہاں دی روشنی اچ مقدمے کرݨ کیتے کمیٹی ٻݨا ݙتی ڳئی اے جڈانجو وزیر داخلہ رانا ثناء اﷲ آکھیا جو عمران خان صوابی توں مسلح لوک ڳھن تے نکلیے ہن، فسادی ٹولہ ملک اچ انتشار اتے افراتفری کھنڈاوݨ چاہندے۔ لانگ مارچ کوں اسلام آباد اچ داخلہ توں روکیا ڳیا توں پولیس فائرنگ کیتی ڳئی۔ پارلیمنٹ لاجز اتے خیبرپختونخوا ہائوس اچ وی مسلح لوکاں کوں پناہ ݙتی ڳئی۔ منگل کوں کابینہ اجلاس دے بعد وفاقی وزیرمواصلات اسعد محمود، وزیراعظم دے مشیر قمر زمان کائرہ دے رَلے پریس کانفرنس کریندیں ہوئیں وفاقی وزیر داخلہ آکھیا جو پاکستان تحریک انصاف آپݨی سیاسی جماعت اتے سارے سارکاری وسائل استعمال کریندیں ہوئیں اسلام آباد اچ داخل تھئی۔ انہاں دے گینگز دے لوک شامل ہئی اتے ٻئے محکمیاں دے لوکاں کوں وی اتھاں ڳھن آئے ہن۔
