اسلام آباد۔31مئی (اے پی پی) وفاقی کابینہ ، تحریک انصاف دے چیئرمین عمران خان دے خونی لانگ مارچ اتے ریاست اتے وفاقی دارالحکومت تے حملہ آور تھیوݨ بارے وزیراعلیٰ خیبر پختونخوا دے بیانات دا سخت نوٹس ڳھندیں ہوئیں انہاں تے تشویش کیتی وزیرداخلہ رانا ثنا اللہ خان آکھیا جو ریاست مخالفت کوئی لانگ مارچ تھیا تاں ایں نال سختی نال نبڑیا ویسی۔ وفاقی کابینہ دا اجلاس وزیراعظم شہباز شریف دی صدارت منگل کوں تھیا۔ وفاقی کابینہ عوام کوں عمران خان دے 25 مئی دی صدارت لارچ کوں مسترد کرݨ تے مبارخ ݙتی۔ اجلاس اچ ݙسیا ڳیا جو میڈیا اتے وزارت اطلاعات دی عوام کیتے مسلح جتھیاں اتے انہاں دے اصل چہرے دے حقائق تے مبنی رپورٹنگ قابل ستائش اے۔ وزیراعظم کابینہ کوں ݙسیا جو انہاں وزارت داخلہ اتے قانون نافذ کرݨ آلے اداریاں کوں ہدایت کیتی ہئی جو کہیں وی اہلکار کنے اسلحہ نی ہووݨا چاہیدا۔ وزیر داخلہ رانا ثناء اللہ کوں ݙسیا جو کہیں وی اہلکار کنے اسلحہ کائنا ہئی۔ وفاقی کابینہ ، وزیراعلیٰ خیبر پختونخوا دے بیان دا نوٹس ڳھدا اتے تشویش کیتی جئیں اچ انہاں آکھیا جو ایں واری اساں پوری قوت نال ریاست اتے وفاقی دارالحکومت تے حملہ کریسوں۔
