اسلام آباد۔31مئی(اے پی پی)وزیراعلیٰ پنجاب حمزہ شہباز آکھیے جو کہیں کوں وی قانون ہتھ اچ ڳھنݨ دی اجازت نہ ݙتی ویسی، امن و امان ہرصورت برقرار رکھیا ویسی۔ اے ڳالھ انہاں لاہور اچ ہک اجلاس دی اڳواݨی کریندے آکھی۔ اجلاس اچ صوبے دے امن و امان دی صورتحال سانڳے اقدامات دا جائزہ ڳھدا ڳیا۔ وزیر اعلیٰ لاہور توں تاوان کیتے اغواء تھیوݨ آلے ٻال دی بازیابی تے پولیس دی کارکردگی دی تعریف کیتی۔ انہاں آکھیا جو لوکاں دے تحفظ کیتے امن و امان ہر صورت برقرار رکھیا ویسی، شرپسند عناصر دے خلاف بغیر کہیں وانڄھ دے کارروائی کیتی ونڄے، ریاست دی رٹ چیلنج نئیں تھیوݨی چاہیدی، ایں سانڳے پنجاب پولیس دا پورا ہتھ ونݙایا ویسی۔
