xاسلام آباد۔31مئی(اے پی پی)وفاقی وزیر مذہبی امور مفتی عبدالشکور آکھیے جو وفاقی کابینہ حج 2022 دی پالیسی دی منظوری ݙے ݙتی اے اتے ہر حاجی کیتے ہک لکھ 50 ہزار دی سپورٹ پرائس دا اعلان کیتا ڳئے، ہݨ بغیر قربانی حج پیکیج 6 لکھ 64 ہزار 807 اتے قربانی نال 7 لکھ 10 ہزار 178 روپے دا ہوسی۔ پہلی حج پرواز روڈ ٹو مکہ پراجیکٹ دے تحت 6 جون کوں روانہ تھیسی۔ پریس کانفرنس کریندے انہاں اکھیا جو ݙو سال دے وقفے دے بعد سعودی حکام محدود حج کوٹہ نال انٹرنیشنل حج دی اجازت ݙتی اے اتے ساݙا حج کوٹہ اکاسی ہزار 210 اے۔ ڈالر دا ملھ ودھݨ اپروں حج مہانگا تھئے جیکر اساں کوشش نا کریندے تاں اے 11 لکھ روپے ہوندا ٻھل ہݨ حج پیکیج سعودی اچ لازمی حج اخراجات دی شرح 51 فیصد اے، اساں مکہ مسینہ اچ سستیاں عمارتاں، خوراک دی بچت، حرم دے نیڑے رہائش دے انتظامات کیتن، پہلی حج پرواز 6 جون کوں ویسی، کل 810 حج معاونین ویندے پن، امید اے حج ویزے ویلھے تے آویسن۔ انہاں آکھیا جو وفاقی کابینہ ولوں سپورٹ پرائس دی منظوری دے بعد قربانی دے بغیر ساݙھے 6 اتے قربانی نال 7 لکھ 10 ہزار اچ حج پیکیج ہوسی۔
