اسلام آباد۔1جون (اے پی پی):وزیر خارجہ بلاول بھٹو زرداری بین الاقوامی برادری اتے عبوری افغان حکومت وچال مسلسل رابطے دی لوڑھ تے زور ݙیندے ہوئیں جموں و کشمیر دے جھیڑے تے ترک حکومت دی ثابت قدم حمایت اتے اصولی موقف تے ترکی دا شکریہ ادا کیتے ۔ اے ڳالھ انہاں ترکی دے دورے دے موقع تے انقرہ اچ ترک وزیر خارجہ میولود چائوش اولو نال ملاقات اچ آکھی اے ۔دفتر خارجہ دے ترجمان دی طرفوں جاری بیان موجب ترکی دے دورے دے موقع تے وزیر خارجہ بلاول بھٹو زرداری اتے ترک وزیر خارجہ میولود چائوش اولو وچال ݙوہیں ملکاں دے تعلقات دے ودھارے تے ڳالھ مہاڑ تھئی ۔ وزیر خارجہ بلاول بھٹو زرداری گرمجوشی نال مہمان نوازی تے آپݨے ترک ہم منصب دا شکریہ ادا کریندے ہوئیں آکھیے جو ݙو پاسے تعلقات پیار، محبت تے مبنی ہن جیڑھے جو ݙوہیں ملکاں وچال عام ھک ݙوجھے کیتے رکھیندن ، ݙوہیں وزرائے خارجہ مختلف موضوعات تے ڳالھ کیتی تے مختلف شعبیں اچ جاری تعاون دا جائزہ ڳھدا ۔ وزیر خارجہ ایں ڳالھ تے زور ݙتا جو اعلیٰ سطح دی سٹریٹجک کوآپریشن کونسل اتے سٹریٹجک اکنامک فریم ورک ݙوطرفہ تعلقات کوں مزید اتے گھن ونڄݨ کیتے مفید طریقہ کار دے طور تے کم کریندے رہین ۔ انہاں آکھیے جو پاکستان سال دے چھیکڑ اچ ترکی اچ اعلیٰ سطح دی سٹریٹجک کوآپریشن کونسل دے اجلاس دا منتظر اے۔ ݙوہیں وزرائے خارجہ علاقائی امور تے وی ڳالھ کیتی ۔وزیر خارجہ بلاول بھٹو زرداری دے اعزاز اچ ترکی دے وزیر خارجہ میولود چائوش اولو گزریل رات عشائیہ وی ݙتا۔
