انقرہ۔1جون(اے پی پی)پاکستان اتے ترکی بینکاری، کسٹمز، زراعت اتے لاجسٹکس سودھا مختلف شعباں اچ ݙوطرفہ تجارت سانڳے جامع روڈ میپ ݙیوݨ کیتے مشترکہ ٹاسک فورس ٻݨاوݨ تے اتفاق کیتے اتے پاک ترکی مصنوعات دی تجارت دے معاہدے کوں تیکھے حتمی شکل ݙیوݨ کتیے کوششاں تیکھاں کرݨ تے زور ݙتے۔ اے اتفاق انقرہ اچ وزیراعظم شہباز شریف دی ترک وزیر تجارت ڈاکٹر مہمت موش نال ملاقات اچ تھئے۔ انہاں اقتصادی روابط، کاروبار، تجارت اتے سرمایہ کاری ودھاوݨ دے مواقعیاں تے الایا۔ وزیر اعظم آکھیا جو پاک ترکی رابطیاں خاص کر اسلام آباد-تہران-استنبول (آئی ٹی آئی) کارگو ٹرین ݙوہاں ملکاں دے تاجراں کوں کاروبار دوست ماحول ݙیوݨ کیتے اہم ثابت تھیسی، مشترکہ منصوبے کیتے نویں مواقع ڳولݨے ہوسن۔ ترک وزیر تجارت ڈاکٹر مہمت موش پاکستان نال تجارتی ڳانڈھا ودھاوݨ سانڳے ہتھ ونݙاوݨ دا یقین ݙیوایا۔
