اسلام آباد۔2جون (اے پی پی) وفاقی وزیر اطلاعات و نشریات مریم اورنگزیب عمران خان دے بیان دی شدید مذمت کریندے ہوئیں آکھیے جو عمران خان دی تقریر نفرت تے مبنی اے جیڑھا جو آئین تے ملک دے خلاف اے ، اظہار رائے کائنی، ملک کوں تقسیم کرݨ تے خدانخواستہ ٹکڑے ٹکڑے کرݨ دی ڳالھ کرݨ دشمن دی زبان اے، عمران صاحب دے بیانات آئین دے خلاف ہن ۔ آپݨے ھک بیان اچ انہاں آکھیے جو عمران خان دے بیانات وفاق تے حملہ ہن، وفاق تے حملے دا اعلان، اداریں دی تباہی اتے ایٹمی پروگرام کھس ونجݨ دی ڳالھ دشمن کریندے ۔ انہاں آکھیے عمران خان دی ایں حالت دی تقریر ٹی وی تے نشر نی تھیوݨی چاہیدی ۔ وفاقی وزیر اطلاعات آکھیے جو پاکستان دے ٹکڑے کرݨ دا اعلان کرݨ آلی ہر زبان ٹکڑے ٹکڑے تھی ویسی ۔ عمران صاحب دے ملک دے خلاف بیانات تے قوم دا ردعمل روکݨ ممکن نہ تھیسی ، عمران صاحب کائنی ”فارن فنڈنگ” ٻولیندی پئی اے، سچائی، خود سازشی دی اپݨی زبان توں ادا تھی ڳئی اے ۔ مریم اورنگزیب آکھیے جو عمران صاحب دے بیانات آئین، اداریں، افواج پاکستان اتے سپریم کورٹ تے حملہ ہن، اقتدار نہ رہے تاں آئین، سپریم کورٹ، الیکشن کمیشن، وفاق تے حملہ ھک بیمار ذہنیت دی عکاسی اے۔
