اسلام آباد۔2جون (اے پی پی) صدر مملکت ڈاکٹر عارف علوی آکھیا جو ایوان صدر وزارت امور کشمیر نال رابطے اتے مشورے دے بعد آزاد جموں تے کشمیر قانون ساز اسمبلی دے اراکین تے ٻئے سیاسی نمائندیاں کوں سݙیسی، اجلاس اچ مقبوضہ جموں تے کشمیر دے بے گناہ مسلماناں دے خلاف بھارتی ظلم کوں اجاگر کیتا ویسی۔ ایوان صدر دے پریس ونگ توں جاری بیان موجب صدرمملکت اے ڳالھیں آزاد جموں تے کشمیردے وزیراعظم سردار تنویر الیاس خان نال ڳالھ مہاڑ کریندیں ہوئیں آکھی جنہاں خمیس کوں انہاں نال ایوان صدر اچ ملاقات کیتی۔ وزیر اعظم آزاد جموں تے کشمیر ، صدر مملکت توں آزاد جموں تے کشمیر دی حکومت کیتے مناسب بجٹ رکھݨ دی درخواست کیتی۔
