لاہور۔2جون(اے پی پی)وزیراعلیٰ پنجاب حمزہ شہباز نال چین دے نویں قونصل جنرل ژاؤ شیرین ملین۔ انہاں پاک چین تعلقات ودھاوݨ، سی پیک منصوباں اتے نویں شعباں اچ ڳانݙھا ودھاوݨ تے الایا۔ ݙوہین رہنماواں ترقی وخوشحالی کیتے زراعت، تجارت و سرمایہ کاری ودھاوݨ سانڳے رل تے کم کرݨ تے اتفاق کیتے۔ حمزہ شہباز ملکی ترقی کیتے چین دے تعاون دا شکریہ ادا کیتا۔ انہاں آکھیا جو سی پیک دے منصوبے پاکستان دی پائیدار ترقی کیتے اہم ہین، پاکستان اتے چین عوامی سطح تے رابطے تکڑے کریسن، سی پیک دی صلاحیت پاروں مستقبل دا لائحہ عمل ٻݨایا ویسی۔
