اسلام آباد۔2جون(اے پی پی) پاکستان یوکرینی عوام کیتے امدادی سامان دی ݙوڄھی کھیپ ٻھڄوا ݙتی اے۔ اسلام آباد دے نورخان ایئربیس تے امدادی سامان دی ٻئی کھیپ بھجواوݨ دی تقریب تھئی جیندے اچ وزیرمملکت خارجہ امور حنا ربانی کھر، این ڈی ایم اے حکام، یوکرین دے سفیر وی شرکت کیتی۔ حنا ربانی کھر یوکرین اچ جاری جنگ تے چنتا کریندے آکھیے جو یوکرین دے جنگ زدہ عوام دا پورا ہتھ ونݙیسوں۔ یوکرینی سفیر ایں اوکھے ویلھے ݙوڄھی واری امدادی سامان بھجواوݨ تے پاکستانی حکومت دا شکریہ ادا کیتے۔
