اسلام آباد۔2جون(اے پی پی)وزیر مملکت پٹرولیم ڈاکٹر مصدق ملک آکھیے جو تیل دی صنعت دے مسلے تیکھے حل کیتے ویسن۔ اے ڳالھ انہاں اسلام آباد اچ او ایم سیز اتے آئل کمپنیز ایڈوائزری کونسل نال اعلیٰ سطح اجلاس دی صدارت کریندے آکھی۔ اجلاس اچ او ایم سیز آکھیا جو ساݙے کولو تسلسل نال ݙیوݨ کیتے پٹرولیم مصنوعات دا ذخیرہ موجود اے۔ وزیر مملکت یقین ݙیوایا جو تیل دی صنعت، ایل سی اتے ٹرن اوور ٹیکس دے معاملات سودھا سارے مسلے حل کیتے ویسن اتے ایں سانڳے وزارت خزانہ اتے متعلقہ اداریاں نال ڳالھ کیتی ویسی۔ ڈاکٹر مصدق ملک آکھیا جو اساں تیل دی صنعت نال رل تے کم کریسوں جو تیل دی تھوڑ نا تھیوے اتے لوک سوکھے ہوون۔
