موغادیشو ۔4جون (اے پی پی):اقوام متحدہ صومالیہ اچ خشک سالی توں شدید خطرے توں ݙوچارعلاقیں کیتے 20 ملین ڈالر دی ہنگامی امداد ݙیوݨ دا اعلان کیتے تے چتاوݨی ݙتی اے جو انسانی امداد دی فراہمی اچ تکھیے ودھارا نہ کیتا ڳیا تاں وݙی تعداد اچ لوک بھک توں مر ویسن۔ چینی خبر رساں ادارے موجب صومالیہ اچ اقوام متحدہ دے ریذیڈنٹ اتے ہیومینیٹیریئن کوآرڈینیٹر آدم عبدالمولا ݙسایا جو صومالیہ اچ شدید خشک سالی کئی حصیں کوں آپݨی وکیڑ اچ گھندی پئی اے جیں پاروں ٻہوں سارے علاقیں اچ قحط دا خطرہ ودھ ڳئے صومالی شہری تباہی دے ٻنے تے پڄ ڳئن ایں نال نبݨݨ کیتے مدد سانڳے صومالیہ ہیومینٹیرین فنڈ (ایس ایچ ایف) توں 20 ملین ڈالردی ہنگامی امداد ݙتی ڳئی اے ۔
