اسلام آباد۔04 جون(اے پی پی)وزیراعظم شہباز شریف دی اڳواݨی اچ بجلی دی لوڈ شیڈنگ مکاوݨ اتے توانائی بحران تے قابو پاوݨ سانڳے اقدامات بارے جائزہ اجلاس تھئے۔ اجلاس اچ توانائی بحران اتے لوڈشیڈنگ دی وجوہات، محرکات اتے ایکوں روکݨ کیتے اقدامات تے دید بھنوائی ڳئی۔ وزیراعظم شہباز شریف ملک اچ بجلی دی ودھدی لوڈشیڈنگ تے اپݨے وزیراں اتے افسراں تے وس پین اتے آکھیے جو میکوں وضاحتاں نئیں عوام کوںس وکھ ݙٰیوݨ کیتے مسلے دا فوری حل چاہیدے۔ وزیراعظم آکھیا جو لوڈشیڈنگ نال لوک ٻہوں اوکھے ہین، کاروبار متاثر تھیندا پئے، ݙینھ رات دا سکون کائنی، عوام کوں سوکھ ݙیوݨ دے معاملے اچ کوئی رعایت نہ ݙتی ویسی، ٻھاویں کڄھ کرو کتھائیں وی 2 گھنٹے توں ودھ لوڈشیڈنگ برداشت نہ کریساں، بجلی دی لودشیڈنگ ڳھٹ توں ڳھٹ تھیوݨی چاہیدی اے۔ وزیر اعظم آکھیا جو لوکاں کوں سوکھ ݙیوݨ ساݙی ذمہ داری اے، ایں سانڳے شارٹ اتے لانگ ٹرم ݙوہیں پلان ڈتے ونڄن۔ وزیر اعظم سستی اتے ودھ بجلی پیدا کرݨ دے منصوباں کوں وی تیکھا کرݨ دی ہدایت کیتی۔
