اسلام آباد۔6جون (اے پی پی):وفاقی وزیر ماحولیاتی تبدیلی سینیٹر شیری رحمان بی جے پی رہنماواں دے توہین آمیز بیانات دی سخت الفاظ اچ مذمت کریندے ہوئیں آکھیے جو بی جے پی رہنماواں مسلماناں دی دل آزاری کیتی اے ، ایں توں نہ صرف بھارت بلکہ دنیا دے مسلماناں دے جذبات مجروح تھئن ، عالمی برادری اتے انسانی حقوق دیاں تنظیماں ایندا نوٹس گھنن ۔ ھک بیان اچ انہاں آکھیے جو مودی حکومت حساس مذہبی معاملات تے لوکاں اچ نفرت کھنڈیندی پئی اے، عالمی برادری دا رواداری دا معیار باقی ملکاں کیتے انڄ تے مودی کیتے انڄ نی تھی سڳدا ، بھارتی انتہا پسندی دنیا کیتے خطرہ بݨ چکی اے۔ شیری رحمان آکھیے جو بی جے پی رہنماواں دی صرف رکنیت معطل کرݨ کافی کائنی ، مودی سرکار کوں دنیا دے سارے مسلماناں توں باضابطہ معافی منڳݨی چاہیدی اے ۔
