ملتان۔6جون (اے پی پی):اردو ، فارسی اتے سرائیکی دے نامور شاعر تے سرائیکی زبان دے پہلے ہائیکو نگارشاعر دا اعزاز گھنݨ آلے حیدر گردیزی دا 31واں ورھیݨاں کل 7 جون کوں تھیسی ۔ حیدر گردیزی دا اصل ناں محمد حیدر ہا ۔ انھاں آپدیاں غزلاں دے مجموعے شائع کراونݨ توں ہٹکیا پر انھاں دیاں ڈوجھیاں کتاباں اچ ’ لی خمستہ “ ( مسدس ) ” چاندنی کے ورق “ (اردو ہائیکو) ” لافَتٰی اِلا علی “ ( مسدس ومناقب ) ” حبیب ابنِ مظاہر “ (مرثیہ ) ” ہتھاں اتے چندر “ (سرائیکی ) ” ساہ دی بکل “ ( ہائیکو ) ” آنکھ میں گنبدخضرا ؐ “ ( اردو نعتیں )” عرش عزا “ ( نوحہ جات ، سلام ، نعت ،مناقب ) ” شیرازہ رسولؐ “( مناقب ، سلام ، قطعات ) شامل ان ۔ حیدر گردیزی دل دے مریض ہن ۔7 جون 1991کوں علاج تھیوݨ دے دوران ای انتقال کرگئے ہن اتے انھاں کوں امام بارگاہ یوسف شاہ گردیز اچ دفنایا ڳیا ہئی ۔
