اسلام آباد۔7جون (اے پی پی):وفاقی وزیر خزانہ و محصولات مفتاح اسماعیل آکھیے جو حکومت پاکستان سپیڈ نال کم کرتے قومی معیشت کوں پیش آندے چیلنجاں توں نبݨݨ دی کوشش کریسی ، جامع تے پائیدار اقتصادی نمو اتے برآمدات اچ ودھارا نویں مالی سال دے وفاقی بجٹ دے اہم اہداف ہوسن ، نویں مالی سال اچ زری تے مالیاتی استحکام کوں یقینی بݨاوݨ تے خسارے کوں 5 فیصد دی سطح تے گھن آوݨ ساݙا ہدف اے، جی ڈی پی دی نمو 5 توں گھن تے 6 فیصد تئیں مقرر کرݨ دا امکان اے ، افراط زر تے قابو پاوݨ کیتے اقدامات ہوسن ، نویں مالی سال اچ حکومت ہدف تے مبنی سبسڈی ݙیسی، مجموعی طور تے ساڈھے 8 کروڑ پاکستانیاں کوں 2 ہزار روپے ماہانہ مشاہرہ ݙتا ویسی، سابق حکومت اوکھے فیصلے اساں کیتے چھوڑیے لیکن ساݙی نیت صاف اے، حالات اوکھے ہن لیکن اساں معیشت دی بہتری کیتے اپݨا کردار ادا کریسوں ۔ وزارت خزانہ دے زیر اہتمام نویں مالی سال دے وفاقی بجٹ دے حوالے نال بزنس، آئی ٹی، زراعت اتے ٻئے شعبیں توں تعلق رکھݨ آلے ماہرین اتے شراکت داراں نال مشاورت کیتے منعقدہ پری بجٹ کانفرنس توں خطاب کریندے ہوئیں وزیر خزانہ مفتاح اسماعیل آکھیے جو وزیراعظم دی اے خواہش ہئی جو بجٹ مرتب کریندے ویلھے سارے شراکت داراں نال مشاورت کیتی ویسی تے انہاں دی صلاح ڳھدی ونڄے ۔وزیر خزانہ آکھیے ایں ویلھے معیشت دے حوالے نال مشکلات موجود ہن تے رل مل تے اڳوں ودھݨا اے ۔
