اسلام آباد۔8جون (اے پی پی) چیئرمین سینیٹ محمد صادق سنجرانی قلعہ سیف اللہ دے علاقہ اخترزئی دی جاہ تے مسافر ویگن حادثے دے نتیجے اچ قیمتی جاناں دے ضیان تے ݙکھ تے افسوس کیتے ۔ سینیٹ سیکرٹریٹ موجب چیئرمین سینیٹ آکھیے جو جاں بحق لوکاں دے لواحقین دے ݙکھ اچ برابر دے شریک ہیسے ۔ چیئرمین سینیٹ اللہ تعالیٰ توں جاں بحق لوکاں کیتے مغفرت ، اچے درجے تے انہاں دے خاندان کیتے صبر جمیل دی دعا منگی اے۔ چیئرمین سینیٹ مسافر ویگن دے حادثے دے نتیجے اچ زخمیاں دی وختی صحت یابی دی دعا وی کیتی۔ ڈپٹی چیئرمین سینیٹ مرزا محمد آفریدی وی آپݨے انڄ پیغام اچ آکھیے جو مسافرویگن دے حادثے تے ݙکھ تے افسوس تھئے ،جاں بحق تھیوݨ آلیں دے لواحقین نال تعزیت کیتی اے۔
