اسلام آباد۔8جون (اے پی پی) وفاقی وزیر آبی وسائل سیّد خورشید احمد شاہ آکھیا جو پاݨٰی دی صورتحال آندے کجھ ݙینھ اچ بہتر تھی ویسی، ملک اوکھ اچ اے۔ کپاہ اتے کنڑک دے نرخ ودھاوݨ، کینولا آئل سیڈ اتے ٹریکٹرز تے ٹیکس ختم کرݨ دی تجویز ݙتی اے۔ چشمہ رائٹ بینک لفٹ کینال منصوبے تے آندے مالی سال اچ کم شروع تھی ویسی۔ ملک خونریزی اتے لانگ مارچ دا متحمل نی تھی سڳدا۔ عمران خان ملک دی سالمیت دے خلاف بیانات ݙتن۔ انہاں دی گرفتاری بارے ریاست دا قانون اتے آئین خود فیصلہ کریسی۔ پی ٹی آئی دے ارکان پارلیمنٹ اچ امدے نئی سرکاری مراعات ڳھندے پئن۔ خیبرپختونخوا دے جنگلات اچ ٻھاہ لڳݨ دی انکوائری تھیوݨی چاہیدی اے۔ بدھ کوں پاکستان پاکستان پیپلزپارٹی دے سیکرٹری اطلاعات فیصل کریم کنڈی اتے چوہدری منظور احمد دے رَلے پریس کانفرنس نال خطاب کریندیں ہوئیں انہاں آکھیا جو پاݨٰی دی صورتحال آندے کجھ ݙینھ اچ بہتر تھی ویسی، ملک اوکھ اچ اے۔
